Rrahmani i pafat, gabimi nuk tolerohet nga Gattuso

Amir Rrahmani përjetoi sot një ditë të pafat në ndeshjen e tij të parë si titullar që e zhvilloi me skuadrën e Napolit.

Qendërmbrojtësi kosovar “ia dhuroi” golin ekipit kundërshtar, Udinese, pas gabimit trashanik me pasim të dobët prapa tek portieri, duke mundësuar sulmuesin Lasagna të shënojë golin e barazimit 1-1 në minutën 27’.

Gabimi i Rrahmanit nuk u tolerua fare nga trajneri Gennaro Gattuso, i cili mori masa me të përfunduar pjesa e parë, duke e zëvendësuar me qendërmbrojtësin portugez Rui.

Kujtojmë se Rrahmani ishte transferuar te Napoli qysh në shtator të vitit të kaluar, ndërsa debutimin e pati realizuar vetëm një javë më parë.