MEDIA
Sadiku kërkohet nga Tramezzani
23 December, 2016 @20:32
Sulmuesi i kombëtares shqiptare, Armando Sadiku, mund të ndryshojë skuadër në janar.
Për shërbimet e tij ka shprehur interesim skuadra nga elita zvicerane, Lugano, në krye të së cilës është emërtuar ish ndihmës trajneri i kombëtares shqiptare, Paolo Tramezzani.
Lajmit për interesimin e shprehur e ka konfirmuar edhe kryetari i Luganos, Angelo Renzetti, i cili për mediat zvicerane ka thënë se ka biseduar me futbollistin, mirëpo ende nuk kanë filluar bisedimet me klubin e tij.
Sadiku aktualisht është pjesë e Zurichut, me të cilin garon në kategorinë e dytë zvicerane.
