Xhaka: Unë nuk e ndërroj veten

Mesfushori i Arsenalit, Granit Xhaka, në një mënyrë i është kundërpërgjigjur trajnerit të Arsenalit, Arsene Wenger, ka shkruar sonte Goal.com.

Xhaka nga Wenger u komentua si lojtar që do të duhet të ketë kontroll ndaj starteve në fushë dhe lojës që e bën, pas kartonit të kuq që e morri me Arsenalin.

Mirëpo, 24 vjeçari ka thënë se ai nuk ndërron.

“Mua më pëlqen të luaj në këtë mënyrë. Ndonjëherë vonohesh në top, ndonjherë jo. Ndonjëherë e bën kontaktin ndaj rivalit, ndonjëherë jo. Ky është lloj sporti ku duelet individuale janë vitale dhe këtë nuk e shoh si problem,” ka thënë Xhaka.

“Nuk e ndërroj veten për askë. Jam ky që jam, më pranuat ose jo. Kam fuqitë dhe dobësitë e mija, që mund t’i përmirësoj me kohë natyrisht dhe ende nuk jam prodhim i përfunduar. I kam 24 vjet dhe kam kohë që të bëhem edhe më i mirë,” ka thënë mesfushori që përfaqëson Zvicrën.

Xhaka në 21 paraqitje në stinorin debutues me Arsenalin është regjistruar tri herë në librezë të referëve, ndërsa njëherë ka marrë edhe karton të kuq direkt.

Sa ishte pjesë e Borussia Monchengladbachut, ai ka marrë 35 kartonë të verdhë dhe 6 të kuq në ato katër stinorë.