NGA KONFERENCA
Salzburg ‘kërcënon’ Partizanin
26 July, 2016 @9:19
Skuadra e Salzburgut dëshiron që të kryejë punë sonte në Elbasan dhe të mos brengoset fare për kualifikim në ndeshjen e kthimit në vend të vetë.
Së paku kështu ka thënë trajneri i skuadrës austriake, Oscar Garcia, në konferencën për shtyp para ndeshjes së sotme, Partizani - Salzburg.
“Kundërshtarin e respektojmë, por ne kemi ardhur këtu për fitore dhe për të kryer punë që sonte. Kemi disa mungesa në ekip, por gjithsesi lojtarët tjerë janë të gatshëm për të fituar këtu,” ka thënë Garcia.
Përballja e rrethit të tretë kualifikues të Ligës së Kampionëve ndërmjet Partizanit dhe Salzburgut luhet sonte me fillim prej orës 20 në Elbasan.
