GELSENKIRCHEN
Schalke prish serinë e Wolfsburgut
22 November, 2014 @18:01
Skuadra e Roberto Di Matteos, Schalke, ka arritur t’i japë fund serisë prej 6 fitoreve radhazi të Wolfsburgut sot.
Edhe pse epërsia e madhe e tyre e arritur në pjesë të parë u rrezikua në fund, ata dolën faqebardhë nga Veltins Arena me fishkëllimën e fundit të gjyqtarit.
Eric Choupo-Moting shënoi dy herë, derisa Chris Fuchs bëri 3-0 rezultatin për vendasit, por Ujqit e Wolfsburgut reaguan shpejtë përmes kroatit Ivica Olicit në pjesë të parë, derisa goli i Nicklas Bendtnerit në pjesë të dytë përkundër se i dha motiv edhe më skuadrës së tij, ata deri në fund nuk arritën të shpëtojnë nga humbja.
Sidoqoftë Wolfsburg mbetet pas Bayernit në tabelë ende, vetëmse largohet edhe më nga kreu.
