OLD TRAFFORD
Schweinsteiger në listë për Europa League
3 February, 2017 @22:34
Edhe pse u mendua se ai do të largohej nga Manchester United, Bastian Schweinsteiger nuk është dorëzuar dhe ia ka siguruar vetes vendin në skuadrën e Jose Mourinhos.
Për më tepër, sot u konfirmua zyrtarisht që gjermani bën pjesë në listën e Jose Mourinhos për Europa League. Bastian nuk ishte pjesë e kësaj liste për takimet e grupeve, ndërsa largimet e Memphis dhe Schneiderlin si dhe paraqitja e mirë ndaj Readingut në Kupë, ku shënoi 1 gol dhe dhuroi 1 asistim, ia kanë mbushur mendjen portugezit Mourinho që t’ia shënojë emrin në listën zyrtare për skuadrën që do të luajë në Europa League.
Në 1/16 e finales, United në Europa League do të luajë ndaj St.Ettienet francez.
