GAME 1: OKC-JAZZ
OKC s’gabon në shtëpi
16 April, 2018 @9:55
Oklahoma City Thunder, arriti ta mposht Utah Jazzin, në ndeshjen e parë të Play Offit, me rezultat 116-108, në Chesapeake Energy Arena.
Përmes 3 yjeve që i ka Oklahoma, e regjistroi fitoren e parë në këtë seri. Paul George luajti me 36 pikë e 7 kërcime, derisa arriti të shënojë 8 treshe në 11 tentime që i bëri.
Gjithashtu edhe Russell Westbrook shkëlqeu me 29 pikë, 13 kërcime e 8 asistime dhe Carmelo Anthony me 15 pikë te Oklahoma.
Te Utah Jazz, më i miri ishte Donovan Mitchell me 27 pikë e 10 kërcime, derisa duhet të ceket se ky lojtar është duke kaluar vitin e parë në NBA.
Ndeshja e dytë e serisë do të luhet përsëri në Chesapeake Energy Arena më 19 prill në ora 2:00.
