TALENTI BAVAREZ
Shabani debuton te Bayerni
16 July, 2016 @19:00
Meritan Shabani është futbollisti shqiptar i cili ka debutuar sot për ekipin e parë të Bayernit.
Mesfushori i talentuar 17 vjeçar, sot ka qenë nën direktivat e trajnerit Carlo Ancelotti, në ndeshjen miqësore që u zhvillua ndaj skuadrës nga kategoria e pestë gjermane, Lippstadt.
Megjithëse kundërshtari ishte në nivel dukshëm më të dobët, Ancelotti e filloi ndeshjen me lojtarët kryesorë si: Ribery, Robben, Alonso, Bernat, Rafina, Martinez, Lahm etj., ndërsa në minutën 62’ e futi në lojë edhe Meritan Shabanin, i cili e zëvendësoi Xabi Alonson.
Në fund, ndeshja përfundoi me fitoren 3-4 të Bayernit.
Shabani në të vërtetë është pjesë e ekipit të të rinjëve të Bayernit, ndërsa aktualisht është në grumbullim me ekipin e parë të Bayernit në kuadër të fazës përgatitore para stinorit të ri.
