FERIZAJ - DRITA
Shabani e Haxhimusa për Dritën mbi Gjilanin
27 October, 2019 @16:43
Në ndeshjen e luajtur sot në Ferizaj, ndeshjes mes dy skuadrave me ambicie krejtësisht të kundërta, Drita ka arritur ta fitojë me rezultat 0-2 përballjen ndaj Ferizajit.
Pjesa e parë e ndeshjes kaloi pa gola, ndërsa mysafirët ndeshjen e zhbllokuan përmes Bujar Shabanit, që realizoi me kokë (63’), e më pas golin e sigurisë dhe të rezultatit përfundimtar e solli Betim Haxhimusa në minutën e 70’.
Fitorja e shënuar sot dhe humbja e Gjilanit nga Trepça ‘89 bëjnë që Drita të ngjitet mbi Gjilanin në tabelën e klasifikimit momentalisht, kurse Ferizaji edhe më tutje mbetet në zonën e rrezikshme, me synimin e vetëm qëndrimin në elitë.
