Shaqa ndizet ne fund

Dy gola në dy ndeshje brenda katër ditëve është  bilanci i fundit i kosovarit Xherdan Shaqiri. Futbollisti shtatëshkurtër shënoi gol sot në ndeshjen për Kupën e Gjermanisë, ku skuadra e tij, Bayern Munchen, shënoi fitore me rezultat 2-0 kundër Augsburgut.

Shaqiri në këtë ndeshje luajti plot 90 minuta, ndërsa golin e shënoi në minutën 85’ pas asistimit të Thomas Mullerit. Golin tjetër për bavarezët e realizoi sulmuesi Mario Gomez.

Bayerni që nga minuta 47’ në këtë ndeshje luajti me 10 lojtarë, pasi që françezi Franck Ribery u ndëshkua me karton të kuq.