Lucio largohet nga Juve

Gjiganti italian, Juventus, ka shkëputur kontratën me qendërmbrojtësin brazilian, Lucio.

Futbollisti 34 vjeçar ishte transferuar në muajin korrik të këtij viti nga skuadra e Interit, por në ekipin e zonjës së vjetër nuk ishte i kënaqur për shkak të hapësirës së vogël për lojë.

Lajmin e ka konfirmuar edhe faqja zyrtare e klubit nga Torino.

Gjatë kohës sa ka qenë në Juventus, Lucio ka luajtur vetëm në katër ndeshje zyrtare, dy në Ligë të Kampionëve dhe nga një në Serie A dhe Kupë të Italisë.