Shaqiri i uron fat Shqipërisë

Ylli shqiptar i përfaqësueses zvicerane, Xherdan Shaqiri, i ka kthyer sytë kah ndeshja e sotme ndërmjet Armenisë dhe Shqipërisë.

Shaqiri me fitoren e djeshme të Zvicrës ndaj San Marinos me rezultat të thellë 7-0, edhe matematikisht e ka siguruar kualifikimin direkt për në Euro 2016, dhe tani shpreson që të njëjtën gjë ta bëjë edhe kombëtarja shqiptare.

“Uroj fat për vëllezërit e mi sonte kundër Armenisë. Bëjeni sikur ne,” ka shkruar Shaqiri në mbishkrim të fotografisë të postuar në Facebook, derisa gjendej në kryeqytetin e Estonisë, Talin, për ta zhvilluar edhe ndeshjen e fundit nesër përballë estonezëve.