BUNDESLIGA
eurosport
Shkarkohet Babbel
3 December, 2012 @19:12
Ish ylli i Liverpoolit Markus Babbel, në 29 ndeshje që ishte në krye të skuadrës Hoffenheim, ka fituar vetëm shtatë ndeshje.
Hoffenheimi gjendet në vendin e tretë nga fundi i tabelës dhe ka pësuar më së shumti gola në Bundesligë, 36 në 15 ndeshje të zhvilluara.
Skuadra e Babbelit, në fundjavë humbi 4-1 kundër Werder Bremenit në shtëpi, që detyroi menaxherin e klubit Andreas Muller të bëjë ca ndryshime.
“Ne do të flasim qetësisht dhe pa presion, por edhe do të analizojmë situatën pa mëshirë. Unë nuk mund të përgjigjem nëse ne do të vazhdojmë me Markus. Situata është e pasigurtë”, ka thënë Muller.
Kandidat kryesor për këtë pozitë është ish trajneri i skuadrës Kaiserslautern, Marco Kurz, ndërsa përkohësisht në krye të Hoffenheimit do të jetë trajneri i skuadrës U 23 të Hoffenheimit, Frank Kramer.
