PAS NDESHJES
Shkëmbi eliminohet në debutim, merr përgjegjësinë
9 February, 2021 @23:14
Trajneri i ri i Ballkanit, Bledi Shkëmbi, ka pësuar në ndeshjen e parë pas rikthimit në futbollin kosovar dhe në ndeshjen e parë zyrtare me ekipin e tij të ri.
Ballkani u eliminua nga Kupa e Kosovës pas penalltive sot në Podujevë, ku Llapi fitoi 4-3, pasi që ndeshja përgjatë 90 minutave e edhe vazhdimeve nuk pa gol të shënuar.
KUPA e KOSOVËS, NDESHJET DHE ORARI
“Djemtë dhanë maksimumin, derisa me një lojtar më pak çuam ndeshjen deri te penalltitë. Na mbetet të vazhdojmë në kampionat. Kjo humbje është përgjegjësi e imja dhe mendoj që do të përmirësohemi në ndeshjet e radhës,” ka thënë Shkëmbi pas ndeshjes.
Ballkani në stinorin e kaluar pat arritur deri në finale të Kupës së Kosovës, ku pësoi nga Prishtina.
