Rregullat e shortit të Ligës së Kampionëve

Pas përcaktimit të 16 ekipeve më të mira europiane të stinorit 2013/14 në Ligën e Kampionëve, tashmë me padurim pritet shorti për të caktuar ndeshjet e së tetës së finales. 

Por, kur do të hidhet shorti? UEFA-ja ka përcaktuar ditën e hënë, 16 dhjetor 2013, si ditë kur do të përcaktohet përballjet interesante të 16 ekipeve më të mira. Shorti do t’ia nis të transmetohet në ora 12:00 në Nyon të Zvicrës me sekretarin gjeneral të UEFA-së, Gianni Infantino, si drejtues të procesit. 

Tetë fituesit e grupeve do të përballen me tetë vendet e dyta të grupeve dhe të vetmet rregulla të shortit janë: fituesit e grupeve nuk takohen me njëri-tjetrin dhe një shtet nuk do të mund të ketë përballje të dy ekipeve të tij në të tetën e finales. 

Pra nëse e marrim shembull Bayern Munchenin si kampion aktual dhe fitues të Grupit D, ata nuk do të takohen me asnjë fitues të grupit dhe ekip gjerman nga vendet e dyta. Rrjedhimisht, kundërshtarët potencial të Bayernit janë: Galatasaray, Olympiacos, Arsenal, Zenit dhe Milan. 

Ndeshjet pritet të zhvillohen më 18 dhe 19 shkurt, ku ndeshjet e para zhvillohen te ekipi që ka përfunduar i dyti në grup, derisa ato të kthimit një javë më vonë, luhen te ekipi që ka fituar grupin. 

EKIPET NË SHORT: