Shqipëria e la pa punë

Pas katër viteve të kaluara në krye të përfaqësueses së Portugalisë, Paulo Bento, nuk do ta ushtrojë më detyrën e përzgjedhësit. Shkaktari kryesor i kësaj ndarjeje është padyshim Shqipëria, e cila e turpëroi skuadrën portugeze para tifozëve të saj.

Bento ka pasur kontratë deri në qershor të vitit 2016, por rezultati i fundit ndaj Shqipërisë, duket se ka qenë i papranueshëm për Federatën e Futbollit të Portugalisë, e cila ka prishur kontratën me trajnerin 45 vjeçar me marrëveshje të dyanshme.

Ai ka qenë përzgjedhës i Portugalisë në 44 ndeshje, ku ka regjistruar gjithsej 24 fitore, 11 barazime dhe 9 humbje.