Azemi pranë skuadrës

Ilir Azemi ka vizituar skuadrën e tij, Greuther Furth, për herë të parë pas aksidentit të rëndë që e kishte pësuar në trafik.

Sulmuesi i përfaqësueses së Kosovës, i cili ditë më parë kishte dalur nga spitali ku ishte i shtrirë që një kohë, tani është në gjendje të mirë shëndetësore.

Ai ka falënderuar të gjithë ata të cilët kanë qenë pranë tij në ditët e vështira që i ka kaluar, e në veçanti presidentin dhe trajnerin e Greuther Furthit, të cilët e kishin vizituar atë edhe në spital duke i dhënë përkrahje maksimale.

Azemi ishte përkrahur fuqishëm edhe nga futbollistët e përfaqësueseve të Shqipërisë dhe të Kosovës në ndeshjet e fundjavës së kaluar.