Shqipëria mund të arrijë në TOP 50

Renditja mujore e FIFA-së, kësaj radhe do të jetë më se pozitive për kuqezinjtë. Kjo pasi që fitorja ndaj Portugalisë (e renditur si e 11-ta në listën e fundit) do t’i sjellë 1417.5 pikë ndeshjeje për Shqipërinë, që i bie 136 pikë renditjeje, derisa në tabelë ajo nga 437 që i kishte në muajin gusht, gjatë shtatorit pritet t’i arrijë 573 pikë - që teorikisht, mund të dërgojë në TOP 50 të Botës. 

Tabela mujore e anëtarëve të FIFA-së pritet të dalë më datën 18 shtator, kur do të përcaktohen renditjet e reja sipas ndeshjeve të zhvilluara, derisa llogaritja e pikëve bazohet në formulën ku: PIKA është e barabartë me prodhimin e pikëve të fituara në ndeshje, rëndësisë së ndeshjes (kualifikuese për konfederatë janë 2.5), 200 minus renditja e kundërshtarit (Portugalia) dhe rëndësinë e Konfederatës (UEFA-ja, 0.99).

Shqipëria aktualisht është në pozitën e 70-të me 437 pikë për muajin gusht, derisa në shtator pritet të arrijë shifrën e 573 pikëve në total, që do ta mund ta çojnë te 50-shja më e mirë e Botës. Natyrisht, duhet pasur parasysh edhe ulje-ngritjet e skuadrave tjera, por përafërsisht Shqipëria do të jetë aty pari. 

Shqipëria renditjen më të mirë në histori të saj e ka pasur në vitin e kaluar në muajin korrik kur e ka arritur pozitën e 37-të. Ndërsa më e keqja ndonjëherë për kuqezinjtë ka qenë gushti i vitit 1997, kur janë renditur në pozitën e 124-të.