S’ka vendim në Premier League!

Të gjitha datat e përfolura do të përfolen ende, pasi që nga takimi mes klubeve të Premier Ligës nuk është marë asnjë vendim i prerë për vazhdim të stinorit 2019/20.

Po, dëshira ekziston, por shëndeti i lojtarëve, trajnerëve, menaxherëve, stafit të klubeve dhe komunitetit futbollistik mbetet primar, është thënë në komunikatën e lëshuar nga Premier League, pas takimit të sotëm.

“Asnjë vendim nuk është marë sot derisa klubet shprehën mendimet e tyre për mbarëvajtjen e garave dhe projektin që u quajt “Project Restart”. Të gjithë janë pajtuar që Shoqata e Lojtarëve, Shoqata e Trajnerëve, lojtarët dhe trajnerët janë kyq në këtë proces dhe do të konsultohen për gjithçka. Klubet kanë konfirmuar dëshirën për të çuar stinorin deri në fund, duke mbajtur integritetin e garave dhe kanë mirëpritur ndihmën e dhënë nga qeveria,” është thënë ndër të tjera në komunikatë.