Skënderbeu-Dinamo, direkt

Minutat 1-15’ Pas furisë së Skënderbeut në 5 minutat e para të ndeshjes, Dinamo me përvojën e saj nisi kontrollin e lojës dhe rrezikoi disa herë portën e Orges Shehit, që u tregua i qetë duke mbrojtur tentimet e ekipit kroat. Bernard Berisha, Liridon Latifi e Bakary Nimaga ndër më të dalluarit në lojë për Skënderbeun, derisa Ivo Pinto duket vështirë i ndalshëm te mysafirët.

Minutat 15-30’ Kroatët intensifojnë sulmet përmes El Arabi Soudani dhe Paulo Machado duke kaluar shpejtë mesin e fushës së Skënderbeut, por fatmirësisht nuk ka gol. Korçarët vazhdojnë rezistencën dhe po tentojnë përmes kundërsulmeve, që po nisin nga Bajram Jashanica dhe Bernard Berisha këmbëshpejtë. 

Minuta 35’ GOOOOOOL - Blendi Shkëmbi tenton nga 16 metra pas faulit të Paulo Machados para zonës dhe 1-0. Kapiteni shënon nga gjuajtja e lirë. Shpërthen Elbasan Arena. Machado merr karton të verdhë. 

Shkembi Goal - Skenderbeu 1-0 Dinamo Zagreb… by Video-Live

Minuta 40’ Ndërprehet sulmi i kroatëve dhe Berisha shpejtë kombinon për të dalë në sulm, por referi jep ofsajd për Hamdi Salihin në gjysmën e fushës së Dinamos. 

Minuta 45’ - Rast i mirë për kroatët nga afërsia nuk shënojnë. Më pas sulmuesi i talentuar i Dinamos, Marko Pjaca, rrëzohet në zonë, por referi rus e sheh simulimin e tij dhe e ndëshkon me karton të verdhë. 

Minuta 47’ - 2 minuta shtesë deri në fund të pjesës së parë, sinjalizon referi.

Minuta 48’ - Merr fund pjesa e parë e ndeshjes, Skënderbeut i duhet pak pushim, derisa Mirel Josa ka çka t’i udhëzojë lojtarët për pjesë të dytë. 

PJESA E DYTË

Min 45-50’ Nis me dominimin e Dinamos, derisa Salihi duket i rrezikshëm në kundërsulm. Akcion i radhës nga Dinamo dhe Kristi Vangjeli ndëshkohet me karton të verdhë. Dinamo humb rast ideal nga krosimi.

Minunta 51’ - Liridon Latifi godet befasishëm por portieri i Dinamos dëbon në korner. 

Minuta 52’ - Salihi thuajse i vetëm para portës kroate, por godet jashtë.

Minuta 55’ - Mbrojtësi Bajram Jashanica eviton golin e sigurt të Dinamos, pas krosimit në zonë.

Minuta 60’ - Del nga loja Machado i Dinamos dhe futet Coric. 

Minuta 67’ - Soudani barazon për Dinamon, 1-1, pas asistimit të Pjacës.

Minuta 70’ - Zëvendësim i radhës te Dinamo, del Marko Rog, futet Antolic.

Minuta 73’ - Orges Shehi gjigand në portë, mbron një shut të furrishëm të Pjacës. 

Minuta 76’ - Dinamo kryen zëvendësimin e tretë, futet Junior Fernandez, në vend të Soudanit. 

Minuta 77’ - Lirion Latifi i shkëlqyeshëm, del, derisa zëvendësimi i parë i Skënderbeut është Gerhard Progni me përvojë. 

Minuta 82’ - Pjaca godet shtyllën, derisa Skënderbeu shfaq shenjat e lodhjes. 

Minuta 85’ - Kristi Vangjeli del, derisa Ademir futet si zëvendësim. Në anën tjetër Pjaca rrezikon portën e Shehit, por s’qëllon kornizën. 

Minuta 88’ - Leonit Abazi, zgjidhje e fundit e Mirel Josës për sonte si freski te skuadra, në vend të të shkëlqyerit Bernard Berisha. Derisa Dinamo duket dominante në minutat e fundit të ndeshjes. 

Minuta 90’ - Referi jep 4 minuta shtesë. 

Minuta 92’ - Josip Pivaric shënon gol të bukur, për 1-2, derisa Dinamo parakalon Skënderbeun e lodhur në fund të ndeshjes. 

Minuta 94’ - Përfundon ndeshja në Elbasan Arena, Skënderbeu do të kërkojë të pamundurën në Maksimir të Zagrebit.