Skënderbeu i pathyeshëm

Skuadra e cila vetëm dy vite më parë përballej me skuadra si Bayern Munchen, Valencia dhe Lille në grupet e Ligës së Kampionëve, BATE Borisov, sot ka mbetur duarthatë në ndeshjen kundër kampionit të Shqipërisë, Skënderbeut.

Trajneri i Skënderbeut, Mirel Josa, në këtë ndeshje vendosi të dalë me formacion prej 5 futbollistëve në vijën e mbrojtjes, e që në fund ky strategji doli të jetë më se e qëlluar.

Në pjesën e parë loja ishte e baraspeshuar me disa raste nga të dyja palët. Rasti më i rrezikshëm i Skënderbeut ishte në minutën 24’ kur goditja e fuqishme nga distanca e nigerianit Orelesi, u ndal nga portieri vendas Chernik.

Bjellorusët në mënyrë të ngjashme rrezikuan në minutën 42’, por jo aq sa për ta befasuar portierin Orges Shehi.

Në pjesën e dytë BATE Borisov ishte skuadra e cila dominonte në lojë dhe e kërkonte më shumë golin, mirëpo përpjekjet e shumta të ekipit bjellorus mbetën përsëri të pamjaftueshme për ta prishur baraspeshën në rezultat.

Madje korçarët edhe ishin me fat sidomos në minutën e 90’ kur kapiteni i BATE-s, Vitali Rodionov, në një pozitë ideale përballë portierit Shehi nuk arriti të tregohet i saktë.

Në fund Skënderbeu arriti qëllimin duke u kthyer nga Bjellorusia me rezultat pozitiv, për të shpresuar kualifikimin në rundin e tretë të Ligës së Kampionëve.

Ndeshja kthyese luhet të martën e ardhshme, më 22 gusht.

Video

FORMACIONET

BATE Borisov	Skënderbeu
Sergei Chernik (P)	Orges Shehi (P)
Vitali Gayduchik	Renato Arapi
Anri Khagush (Mikhail Gordeychuk 70')	Tefik Osmani
Egor Filipenko	Ademir (Bakary Nimaga 74')
Denis Polyakov	Kristi Vangjeli
Aleksandr Karnitski	Marko Radas
Ilya Aleksievich	Gerhard Progni (Bajram Jashanica 90'+5)
Sergei Krivets (Aleksandr Pavlov 70')	Nurudeen Orelesi
Maksim Volodko	Sabien Lilaj
Nikolai Sihnevich	Bledi Shkëmbi
Vitali Rodionov (C)	Fation Sefa (Andi Riba 90'+2)