S’lejohet përmbysja, United në Stokholm!

Një ndeshje që në fillim dukej se do të shkonte lehtë, u mbyll me dramë për Manchester Unitedin e Jose Mourinhos!

Epërsia e United erdhi në fillim të ndeshjes përmes Marouane Fellainit me kokë dhe u ruajt deri në çastet e fundit të ndeshjes, kur Roncaglia barazoi me kokë dhe i dha shpresë për kualifikim mysafirëve dhe shkaktoi panikë te klubi anglez.

Gjithsesi, goli i dytë i Celtas nuk erdhi dhe takimi u mbyll 1-1, rezultat që në finale e dërgon 20 herë kampionin anglez, pasi që ndeshja e parë në Spanjë u mbyll 0-1 në të mirë të anglezëve.

Pak para fundit, mes skuadrave kishte tensione, duke bërë kështu që Eric Bailly i vendasve dhe golashënuesi Roncaglia i mysafirëve të përjashtohen me kartonë direkt të kuq nga takimi, por që kjo nuk luajti rol në epilogun final të takimit.

Në finalen e Stokholmit, United takohet me Ajaxin, që sonte e eliminoi Lyonin.