DREJT DEBUTIMIT
Kush shkon në gara europiane nga Superliga?!
11 May, 2017 @14:08
Pasi që iu afrua fundi i stinorit, tashmë edhe Superliga ka kampionin e ri dhe finalja e Kupës u afrua, të bëjmë një rikujtim se cilat skuadra nga Superliga shpresojnë garat europiane këtë stinor.
Kampioni i Kosovës, Trepça’89, do të merr pjesë në kualifikime për Ligë të Kampionëve - si kampion i vendit.
Ndërsa, skuadra tjetër që pritet të merr pjesë në gara ndërkombëtare është Llapi, natyrisht nëse e mposht Besën e Pejës në finale të Kupës. Besa edhe po ta fitoj Kupën nuk do të merr pjesë në gara ndërkombëtare, pasi që ekipi nuk është licencuar për gara europiane.
Në këtë rast, pra nëse Llapi nuk e fiton Kupën, atëherë në gara europiane shkon nënkampioni i Kosovës, ku në luftë për pozitë të dytë janë: Prishtina, Llapi dhe Feornikeli. Skuadra që përfundon si nënkampione e Kosovës, do të shkojë në Europë, në rast se Besa e fiton Kupën.
Ekipe që kanë aplikuar për licencim janë vetëm: Trepça’89, Prishtina, Feronikeli, Llapi , Besa dhe Liria.
Mirëpo, ëndrra e skuadrave kosovare mund të mosrealizohet, nëse Ministria përkatëse nuk e rregullon stadiumin Adem Jashari në Mitrovicë, sipas kushteve të kërkuara nga UEFA, deri më 10 qershor 2017.
