S’më interesojnë pikët

Trajneri i Barcelonës, Luis Enrique, ka thënë se dueli ndërmjet Barcelonës dhe Real Madridit është më i madh sesa vlera e pikëve që mund të fitohen ose jo nga kjo ndeshje.

“Nuk mërzitem. Luajmë në shtëpi dhe nuk më intereson nëse i bëjmë 100 pikë, 25 apo 1. Dua një lojë të bukur dhe t’i gëzojmë tifozët me lojë,” ka thënë ai në konferencën e sotme për shtyp që u transmetua drejtpërsëdrejti në rrjete sociale.

Për më tepër El Clasico nuk është përcaktuese për titull kampioni, ka shtuar ai.

“Nuk mendoj se El Clasico është përcaktues për titull kampioni. Jemi në xhiron e 14 dhe do të ketë mjaft ndeshje. Rezultati i nesërm nuk do të jetë përcaktues për titullin kampion,” ka thënë Enrique.