Të koncentruar për gjëra të mëdha

Trajneri francez i Real Madridit, Zinedine Zidane, në konferencën për shtyp para duelit me Barcelonën ka thënë se ekipi i tij është i gatshëm për këtë përballje të madhe.

“Kjo është një ndeshje e vështirë. Bile, shumë e vështirë. Por, kjo është normale kur luan ndaj një rivali të madh. Njerëzit duan të shohin lojë të mirë futbolli dhe ne do të përqendrohemi të luajmë futboll, që e kemi punë,” ka thënë Zidane sot.

TABELA AKTUALE E LA LIGAS

Sa i përket distancës 5 pikëshe që e ka Reali në krye të tabelës, ndaj Barcelonës ndjekëse, Zidane ka thënë:

“Ne luajmë shumë ndeshje dhe e bëjmë më të mirën tonë prej ndeshjes në ndeshje. Nëse jemi të koncentruar në lojë, do të bëjmë gjëra të mira edhe këty.”

Barcelona - Real Madrid zhvillohet nesër pasdite me fillim në ora 16e15.