Sokoli bisedon me Kukësin

Njëri ndër trajnerët më me përvojë në Kosovën e pasluftës, Bylbyl Sokoli, mund të përfundojë te nënkampioni i Shqipërisë, Kukësi. 

Ai sot takohet me kryetarin e klubit bardhekaltër për të diskutuar idetë dhe mundësitë, ndërsa shumë shpejtë pritet të bëhet i ditur vendimi se a do të nënshkruaj apo jo. 

Lajmin e ka bërë të ditur e përditshmja Sport Plus, gjë të cilën e ka konfirmuar edhe vetë Sokoli. Ai, së fundi ka qenë trajner i Ferizajit në Superligë, me të cilin ka ndarë rrugët në fillim të pjesës së dytë të stinorit.