TORINO
Migjen Basha në Europa League
30 May, 2014 @11:17
Federata e Futbollit të Italisë (FIGC) ka larguar Parmën dhe ka vendosur Torinon si ekip që do të merr pjesë në Europa League stinorin e ardhshëm.
Kjo ka bërë që ekipi i Migjen Bashës, Torino, të nis një aventurë europiane të pa planifikuar në xhirot e fundit të kampionatit të përfunduar.
Parma është eliminuar nga FIGC për shkak se nuk ka paguar tatim për 300 mijë euro të fituara gjatë këtij stinori dhe për këtë arsye drejtuesit e futbollit italian kanë dërguar Torinon në Europa League, që ka përfunduar stinorin pas Parmës në Serie A.
“Gjykata e Lartë e Drejtësisë Sportive ka refuzuar ankesën e Parmës ndaj FIGC për vendimin e marrjes së licensës së ekipit në fjalë për stinorin 2014/15 në UEFA,” ka shkruar në njoftimin e shkurtër të Federatës.
Torino humbi në xhiron e fundit pozitën e rregullt për tu kualifikuar në UEFA, pasi që barazoi me Fiorentinën 2-2, ku Alessio Cerci dështoi të shënojë nga penalltia. Por tani, me këtë vendim, mesfushori i Shqipërisë, Migjen Basha, me Cercin dhe shokët tjerë të skuadrës do të jenë pjesë e Europa League.
