Immobile zëvendëson Lewandowskin!

Sulmuesi 24 vjeçar i Torinos, Ciro Immobile, është pranë kalimit te nënkampioni i Gjermanisë, Borussia Dortmund. 

Kështu raportoi sot La Gazzetta dello Sport, e cila shkruan se transferimi i sulmuesit më të mirë të stinorit në Serie A, do të kompletohet nesër nga ekipi gjerman. 

Gjithashtu gazeta në fjalë bën të ditur se ekipi i Jurgen Klopp ka ofertuar me 19 milionë euro për shërbimet e sulmuesit që shënoi 22 gola këtë stinor në Serie A, duke u shpallë golashënuesi më i mirë. 

Lojtari i cili publikisht ka thënë se dëshiron të luaj në Ligë të Kampionëve, pritet të nënshkruaj kontratë 5 vjeçare me Borussia Dortmundin me rrogë prej afro 2 milionë eurove për stinor.