Spanja me mungesa të rëndësishme

Përfaqësuesja e Spanjës në basketboll ka bërë publike listën e gjërë të lojtarëve që do ta përfaqësojnë vendin në Kampionatin Europian Eurobasket 2015.

Nga lista e 17 basketbollistëve të ftuar, në sy bie mungesa e organizatorëve kryesorë të skuadrës siç janë Ricky Rubio (Minnesota Timberwolves), Jose Calderon (New York Knicks) dhe Juan Carlos Navarro (Barcelona), derisa nuk është përfshirë as qendra e natyralizuar i Oklahoma Cityt, Serge Ibaka.

Megjithatë, barën kryesore të dy herë kampionit të Europës, do të mbajnë yjet si Sergio Rodriguez, Sergio Llull, Rudy Fernandez, si dhe vëllezërit Gasol, që e bëjnë përsëri si njëra prej favoriteve kryesore për titull.

Eurobasketi i sivjetëm do të organizohet në katër shtete të ndryshe, Kroaci, Francë, Gjermani dhe Letoni, dhe do të fillojë më 5 shtator.

Pjesë e këtij kampionati sivjet mund të jenë edhe dy basketbollistët nga Kosova, Dardan Berisha dhe Kenan Spahi.

Lista e të ftuarve te Spanja

Sergio Llull (Real Madrid), Sergio Rodríguez (Real Madrid), Guillem Vives (Valencia), Quino Colom (Bilbao), Rudy Fernández (Real Madrid), Fernando San Emeterio (Baskonia), Pau Ribas (Valencia Basket), Dani Díez (Gipuzkoa), Álex Abrines (FC Barcelona), Xavi Rabaseda (Estudiantes), Pau Gasol (Chicago Bulls), Marc Gasol (Memphis Grizzlies), Nikola Mirotic (Chicago Bulls), Víctor Claver (Khimkhi Moscow), Felipe Reyes (Real Madrid), Willy Hernangómez (Sevilla), Pablo Aguilar (Valencia)