S’preken rrjetat në kryeqytet

Pasi mori barazim nga Prishtina pak ditë më parë, Drenica sot arriti të marrë edhe një tjetër barazim në kryeqytet.

Kësaj here Drenica barazoi 0-0 ndaj Flamurtarit, për ta regjistruar barazimin e tretë me radhë në Superligë.

Raste për shënim gjatë takimit patën të dyja skuadrat, mirëpo portierët Nika (FLA) e Ymeri (DRE) nuk u mposhtën, për t’u mbyllur kështu ndeshja me rrjeta të paprekura.

TABELA AKTUALE

Barazimi i sotëm e mban Drenicën jashtë zonës së rrezikshme, kurse Flamurtari mbetet akoma aty.

Xhiron e ardhshme, Flamurtari i shkon Ballkanit, kurse Drenica e pret Dukagjinin në “Bajram Aliu”.