Super Kosova U21, fiton dhe ngjitet në tabelë

Vazhdojnë paraqitjet e shkëlqyeshme të Kosovës U21!

Në takimin e zhvilluar sonte ndaj Azerbejxhanit U21 në Mitrovicë, përfaqësuesja jonë zhvilloi një paraqitje mjaft të mirë, e cila u kurorëzua me rezultatin përfundimtar 2-0.

Florent Hasani ishte autor i golit të parë, ndërsa fitorja u vulos nga goli i Besfort Kolgecit, i cili shënoi me kokë pas krosimit nga Dren Feka.

Kjo fitore, që ishte e treta për Kosovën në kuadër të grupeve, bën që Kosova U21 të ngjitet në vendin e tretë të Grupit 5, grup ky në kuadër të kualifikimeve për Evropianin e vitit 2021.

Ndeshjen e ardhshme Kosova U21 e luan ndaj Gjermanisë, liderit të grupit, pas 5 ditëve (27 mars) në të njëjtin stadium.

Sipas rregullave, vendi i parë i grupit kualifikohet direkt për në kampionat evropian, kurse vendi i dytë i grupit mund të kualifikohet vetëm nëse është më i mirë me pikë e golaverazh sesa vendet e dyta të grupeve tjera eliminatore.

TABELA - GRUPI 5