Super Mario, i mjafton Bayernit

Një super gol i kroatit Mario Mandzukic ka qenë i mjaftueshëm për fitoren e dytë të Bayernit në Bundesligë. 

Xherdan Shaqiri ka filluar ndeshjen nga minuta e parë dhe ka qenë pjesë e fitores së dytë të Bayern Munchenit ndaj Eintracht Frankfurtit të papërshtatshëm deri në minutën e 65-të, kur ia ka lënë vendin të ardhurit nga Barcelona, Thiago Alcantara. 

I transferuari nga Borussia Dortmund, Mario Gotze, ka qëndruar tërë ndeshjen në bankën rezervë dhe ende nuk ka debutuar në fanellë të bavarezëve në Bundesligë. 

Në ndeshjet tjera të sotshme Hoffenheim ka shkëlqyer në saje të brazilanit Roberto Firmino që ka shënuar dy herë dhe ka asistuar tre herë në fitoren e ekipit të tij ndaj Hamburgerit si mysafir 1-5. 

Fitore të thellë ka shënuar edhe Wolfsburg, për fanellën e të cilëve ka debutuar i posardhuri nga Bayern, Luiz Gustavo. Wolfsburg ka mposhtur Schalken 4-0. 

Admir Mehmedi është futur nga minuta e 70-të në ndeshje për Freiburgun, por pa ndonjë ndikim në rezultat pasi që ekipi i tij u mposht nga Mainz 1-2 si vendas. 

Rezultatet e ndeshjeve tjera dhe tabelën aktuale mund të shihni këtu.