LIVERPOOL
REUTERS
Shpëtojnë!
17 August, 2013 @15:38
Supersulmuesi i Liverpoolit, Luis Suarez, nuk ishte i paraqitur për ndeshje. Trajneri Brendan Rodgers treshen sulmuese e kishte krijuar nga Daniel Sturridge, Philippe Coutinho dhe Iago Aspas.
Të kuqtë e Anfield Road ia nisën stinorit mbarë pasi që fituan ndaj Stoke City 1-0 dhe këtë vetëm falë portierit të ri të tyre të ardhur nga Sunderland, Simon Mignolet. Ai në minutën e 89-të të takimit ia mbrojti penalltinë irlandezit, Jonathan Walters dhe atë edhe njëherë pas dëbimit!
Fitore shumë e rëndësishme e Liverpoolit e ardhur me golin e vetëm të shënuar nga sulmuesi anglez, Daniel Sturridge, i cili pranoi topin nga i transferuari prej Celta Vigos, Iago Aspas.
Tre pikë të para për një stinorë të mbarë, edhepse sipas rasteve ndeshja do të duhej të kishte shumë më shumë gola, Liverpool duhet të jetë tejet i kënaqur me trepikëshin.
Video
Liverpool-Stoke City
Goli i ndeshjes
FAKT:
| Liverpool ka filluar ndeshjen sot me tre debutues: Iago Aspas, Kolo Toure dhe Simon Mignolet. |
