TREPÇA 89
Nënakampionja starton furishëm
16 August, 2013 @21:03
Skuadra e udhëhequr nga Gani Sejdiu, Trepça 89, ka nisur furishëm stinorin e ri të Superligës së Kosovës në futboll.
Mitrovicasit, të cilët janë nënkampion aktual të Kosovës, kanë mposhtur thellë Ferronikelin vendas në Drenas me rezultat 4-0.
Dominimi i të gjelbërve është vërejtur në çdo pjesë të fushës, ndërsa i ardhuri nga Vllaznia e Shkodrës, Kreshnik Rexha si dhe transferi i fundit Fetim Kasapi me përvojë kanë shënuar në ndeshjen e parë të tyre të stinorit.
Me këtë fitore Trepça 89 ka arkëtuar tre pikët e para të stinorit dhe lirisht mund të thuhet se nëse vazhdon kështu, pas dy stinorëve nënkampion, mitrovicasit do të luftojnë për titull edhe njëherë.
