Synimi është titulli

Hajvalia po vazhdon përgatitjet nga dy herë në ditë përkundër motit të ftohtë këto ditë që po mbretëron në Kosovë. 

Ekipi me plotë entuziazëm po zhvillon përgatitjet në stadiumin e mbuluar të lagjes së Spitalit në Prishtinë. 

“Do të jemi kandidat kryesor për titullin e kampionit dhe pas përgatitjeve që do t’i kryejmë këtu do të shkojmë në Durrës për të qenë plotësisht gati,” është cituar të ketë thënë ndihmës trajneri i skuadrës Emin Bajrami nga fchajvalia.com sot. 

Hajvalia përveç përforcimeve vendore ka angazhuar edhe 3 brazilianë që pritet të mbrojnë ngjyrat e klubit në pranverë. 

Ekipi në fjalë ka përfunduar stinorin vjeshtor në pozitën e katërt të Superligës me 3 pikë më pak se lideri Ferronikeli.