Të koncentrohemi në ligë!

Humbja e thellë në shtëpi nga Bayern Munchen, si duket e ka eliminuar Arsenalin që në ndeshjen e parë të fazës gjashtëmbëdhjetëshe të Ligës së Kampionëve. 

Së paku, sulmuesi i tyre Theo Walcott, nuk beson në ndonjë rikthim senzacional në ndeshjen e kthimit në Gjermani. 

“Mos më keqkuptoni. Duhet të jemi realist dhe të themi se do të jetë tmerësisht e vështirë që të kalojmë në fazën çerekfinale të Ligës së Kampionëve,” ka thënë këmbëshpejti Walcott pas ndeshjes për mediat. 

“Ne kemi pasur rezultate të mira në Premier League dhe duhet të koncentrohemi aty që të përfunojmë sa më lartë në tabelë që është e mundur,” ka shtuar ai. 

Ndeshja e kthimit ndërmjet Bayernit dhe Arsenalit luhet pas dy jave në Munchen.