NEWCASTLE UNITED
REUTERS/Arkiv
Telefonata dëshpëruese
2 June, 2015 @9:30
Ryan Taylor morri një telefonatë nga kreu i Newcastle Unitedit, John Carver dje.
Carver i bëri të ditur atij se nuk do t’i vazhdohet kontrata me Laraskat për stinorin tjetër.
Mirëpo, e tëra nuk përfundon këtu. Carver e pyeti Taylorin nëse edhe Jonas Gutierrez është afër tij.
Taylor ia dha telefonin Gutierrezit, të cilit gjithashtu iu kumtua lajmi dëshpërues.
“Nuk kam pritur që të më ofrohet kontrata e re,” ka thënë Guttierez për BBC Sport-in.
“Mirëpo, do të ishte mirë po të më thirrte mua personalisht, e jo në këtë mënyrë.”
Guttierez dhe Taylor janë duke ndjekur kursin për trajnerë në Belfast, derisa argjentinasi ka bërë rikthim senzacional këtë stinor duke e mposhtur kancerin në testise.
