Test për gjyqtarët

Sipas një njoftimi të lëshuar nga Federata e Futbollit të Kosovës (FFK), bëhet e ditur se për gjyqtarët e Superligës së Kosovës dhe ata të Ligës së Parë mbahet seminari që do të ketë test fizik dhe teorik të shtunën në Mitrovicë. 

Me mbikqyrje nga instruktorët e licencuar nga FIFA dhe UEFA

Në letrën e drejtuar nga kreu i Komisionit të Gjyqtarëve, Ruzhdi Breznica, gjithashtu bëhet e ditur se këtë seminar do ta mbikqyrin instruktorët e licencuar të UEFA-së dhe FIFA-së nga Federata Shqiptare e Futbollit (FSHF). 

Seminari mbahet pak para fillimit të stinorit pranveror të Superligës dhe do të fillojë në ora nëntë të mëngjesit të së shtunës, më 23 shkurt.