TITULLI NR 25
Tirana kampione pas 11 vitesh
19 July, 2020 @22:57
Fitorja befasuese e Vllaznisë ndaj Kukësit sonte 1-0 [Mevlan Adili 86] ka bërë që dy xhiro para fundit të stinorit në Superiore, Tirana të shpallet kampione.
Kukësi, ndjekësi i vetëm i Tiranës në pjesën më të madhe të stinorit, u ndal sonte në Shkodër, kurse bardhekaltërit e drejtuar nga nigeriani Emanuel Egbo kanë arritur të fitojnë titullin e parë të kampionit pas 11 vitesh.
Në total, ky është titulli i 25 i Tiranës, që dekada më parë njihej me emrin 17 Nëntori.
Dhe ky titull, ç’është edhe më e rëndësishme për festë, vjen në 100 vjetorin e klubit.