Tirana vishet kuq, derbi i Partizanit

Partizani fiton derbin e kryeqytetit shqiptar, duke e mposhtur Tiranën me rezultat 2-0 në Qemal Stafën e stërmbushur nga tifozë të të dyja palëve. 

Kanë qenë dyshja Nderim Nexhipi dhe Mentor Mazrekaj që kanë shënuar në derbin tiranas për të përcaktuar fituesin e ndeshjes dhe liderin e pastër të Superligës shqiptare. 

Me këtë fitore Partizani tashmë ka 3 pikë më shumë se kampioni aktual, Skenderbeu, në krye të tabelës. 

Ndeshja u zhvillua në nivel të lartë dhe vërehej një cilësi e lartë e futbollit, ku futbollistët dukeshin edhe më të motivuar se zakonisht nën brohoritjet e mijëra shikuesve.