MAN UTD
Falcao, nuk është i gatshëm
8 December, 2014 @13:44
Njëri ndër sulmuesit më të dalluar në botë, Radamel Falcao, nuk kalon me notë pozitive testet e holandezit, Louis Van Gaal.
Trajneri holandez i Manchester Unitedit ka konfirmuar se kolumbiani nuk është i gatshëm fizikisht për të përballur 90 minuta në Premier League dhe ai do të ngrohë bankën rezervë të ekipit, derisa të jetë i gatshëm plotësisht.
“Po, nuk është i gatshëm fizikisht për ndeshjes,” është përgjigjur fillimisht Van Gaal, transmeton Goal.com
“Ai duhet të stërvitet ende dhe të arrijë formën e duhur fizike për të qenë 90 minuta në përbërje. Nuk do të bëj lëshime. Ai duhet të punojë me filozofinë time. E kuptoni? Unë jam këtu për të zbatuar filozofinë time të lojës,” është cituar të ketë thënë strategu holandez për sulmuesin e shtrenjtë, Falcao.
Manchester United në xhirot e fundit ka kapur një seri të mirë, duke shënuar 4 fitore me radhë, prej të cilave edhe në derbi ndaj Arsenalit në Emirates.
Falcao në dy ndeshjet e fundit me Djajt e Kuq nuk ka luajtur më shumë se 20 minuta për ekipin, derisa të njejtën gjë pritet që ta përjetojë edhe sonte në ndeshjen e fundit të xhiros XV të Premier League ndaj Southamptonit.
