BARCELONA
Messi me hat-trick në derbin lokal
7 December, 2014 @19:02
Lionel Messi përsëri në skenë. Argjentinisi i nominuar për Topin e Artë të këtij viti ka shënuar hat-trickun e radhës në La Liga, për të mposhtur rivalin lokal të qytetit, Espanyol, 5-1.
Barcelona shënoi fitoren e 11-të të stinorit dhe vazhdon të ndjek Real Madridin në krye, që ka 2 pikë më shumë.
Messi ka ngritur kuotën e golave në 13-të këtë stinor, derisa Barcelona fillimin e ndeshjes e kishte nisur në disavantazh kur Espanyoli kishte avancuar me anë të golit të Sergio Garcias, djaloshit që u rrit në shkollë të Barcelonës, më vonë gjithçka ishte Blaugrana në Camp Nou.
