KAMPIONI AFROHET
Vetëm 3 pikë larg kreut
6 December, 2014 @20:29
Humbja e sotme e Chelseat nga Newcastle, e para e stinorit për londinezët, do t’i fus ata tashmë në presion edhe më të madh.
Kjo, pasi që kampioni aktual i Anglisë, Manchester City, ka shfrytëzuar rastin dhe ka shënuar fitore ndaj Evertonit për t’iu afruar liderit deri dje të pamposhtur në vetëm 3 pikë.
Golashënues i vetëm në fitoren minimale të Cityt ka qenë Yaya Toure, që shënoi nga penalltia.
Sidoqoftë, brenga e vërtetë e Qytetarëve është lëndimi i Sergio Agueros, për të cilin shpresohet të mos jetë serioze.
Aguero është lider i golashënuesve në Premier League dhe thuajse i vetëm ka mbajtur Manchester Cityn në xhirot e fundit në ndjekje të liderit Chelsea.
