LIVERPOOL
Sunderland nxjerr pikë në Anfield
6 December, 2014 @19:04
Ekipi i Brendan Rodgers ka vazhduar avazin e vjetër. Kur pas dy fitoreve me radhë u mendua se ata do të këndellen për të vazhduar me rezultate të mira në Premier League, këtë nuk e arritën.
Ka qenë Sunderlandi i Gustavo Poyetit që i ndali djelmoshat e kuq nga Liverpooli për të bërë diçka më shumë në lojë, duke barazuar 0-0 në Anfield Road.
Për më tepër, Sunderland është specialist i barazimeve në elitën angleze, duke e regjistruar sonte të nëntën në kampionat.
Barazimi, ka ulur moralin e ekipit të Rodgersit para derbit të madh që i pret javën që vjen në Old Trafford, ndaj Manchester Unitedit.
