Prishtina vazhdon me përforcime

Dy lojtarët më të dalluar të Ferizajit, Ylber Ramadani dhe Betim Haxhimusa, do të vazhdojnë të veshin fanellën bardhekaltër - por tani me logo të Prishtinës. 

Dyshja e ekipit të Ferizajit, e njohur mirë për trajnerin e Prishtinës, Bylbyl Sokoli, sot ka arritur marrëveshje me skuadrën nga kryeqyteti - duke u prezentuar zyrtarisht. 

Haxhimusa dhe Ramadani kanë punuar me Sokolin, derisa ky i fundit udhëheqte Ferizajin, ndërsa këtë stinor ata i kanë ndihmuar mjaft Ferizajit, që kalonte një stinor të vështirë. 

Të dy kanë shënuar nga dy gola për Ferizajin këtë stinor, ndërsa në pranverë do të jenë pjesë e Prishtinës. 

Ditë më parë, Prishtina ka rrëmbyer edhe disa lojtarë nga Llamkos Kosova, që gjithashtu është në krizë financiare si dhe golashënuesin më të mirë të Ligës së Parë.