OLIMPICO
Ljajic shpëton Romën nga disfata
6 December, 2014 @20:14
Sassuolo me dy gola të shpejtë në pjesë të parë nga Simone Zaza ka qenë shumë afër të bëj befasinë e javës në Serie A.
Skuadra e Eusebio di Francescos, humbi fitoren në minutat shtesë të takimit, kur Adem Ljajic barazoi në 2-2, pasi që kishte ulur epërsinë më parë nga penalltia.
Roma, kështu nuk arriti të shënojë fitore për t’iu afruar edhe më Juventusit në krye të tabelës, që gjithashtu barazoi mbrëmë ndaj Fiorentinës.
Problemet për rikthim të Romës, filluan në nismë të pjesës së dytë, kur Daniele De Rossi u ndëshkua me kartonin e dytë të verdhë dhe u përjashtua nga loja.
Sidoqoftë, romakët nëse asgjë tjetër, shpëtuan nga humbja në fund, derisa në krye të klasifikimit, distanca mes liderit dhe përcjellësit mbetet e njejtë si ishte edhe para kësaj xhiroje.
