TRANSFER
Tjetër goditje nga Ylli, transferohet amerikani Clark nga Turqia
10 January, 2021 @21:33
Skuadra e Yllit nuk ka të ndalur me përforcime. Pas transferimit të yllit të përfaqësueses së Kosovës, Erjon Kastrati, suharekasit tani kanë nënshkruar edhe me amerikanin 23 vjeçar Elyjah Clark.
Clark vjen nga skuadra Anadolu Ankara Basket e ligës së parë të Turqisë, ku për bashkëlojtar ka pasur edhe ish qendrën e Bashkimit, Terik Bridgeman.
Në 12 paraqitje me këtë skuadër, ai ka pasur mesatare prej 20.3 pikëve, 6.4 kërcimeve dhe 4.2 asistimeve për ndeshje, duke qenë koshashënuesi më i mirë i ekipit dhe koshashënuesi i tretë më i mirë i ligës.
Clark është 190 centimetra i gjatë dhe luan në pozitën 2.
