Totti legjendar me rekord nxjerr barazimin

Legjenda e Romës, Francesco Totti, ka shënuar golin e parë të tij në karrierën e bujshme - në Angli. 

Për më tepër, ai sonte u bë lojtari më i vjetër me moshë që ka shënuar në Ligë të Kampionëve dhe romakët nisën talljet me Manchester Cityn, duke u thënë - gjithçka ka herën e parë, duke aluduar në golin e Tottit dhe pikën e fituar me golin e njeriut që asnjëherë nuk ka shënuar në Angli. 

Manchester City kaloi në epërsi me golin e argjentinasit, Sergio Aguero, kur shënoi nga penalltia, pasi që atë e shkaktoi Douglas Maicon, derisa romakët punëtor sonte, kanë arritur të barazojnë pas 20 minutave në Etihad. 

Derisa ekipi i Manuel Pellegrinit vazhdon të mbetet pa fitore në Ligë të Kampionëve ende, Roma me Bayernin po bëjnë hapat e para drejt mbledhjes së pikëve. 

Ndeshjet e radhës:

CSKA Moska - Manchester City
Roma - Bayern

TABELA E GRUPIT E:

1	Bayern	6 pikë
2	Roma	4 pikë
3	Manchester City	1 pikë
4	CSKA Moska	0 pikë

FAKT:

1

Francesco Totti me golin e shënuar sonte është bërë futbollisti më i vjetër që ka shënuar në Ligë të Kampionëve me moshën: 38 vjet e 3 ditë;