Tranzicioni dhe presioni, nga stërvitja e sotme e Kosovës

Kombëtarja e Kosovës ka vazhduar me stërvitje në kuadër të përgatitjeve për ndeshjet kundër Suedisë dhe Gjeorgjisë, të cilat zhvillohen më 9 tetor, përkatësisht më 12 tetor.

Seanca e sotme stërvitore u mbajt në mesditë në Kompleksin e FFK-së në Hajvali, e ku përzgjedhësi Challandes dhe stafi i tij punuan në shumë segmente të lojës, veçmas në lojën nën presion dhe tranzicion të shpejtë, duke pasur parasysh ritmin e lartë të lojës të cilin e aplikon kundërshtari i radhës.

ORARI I NDESHJEVE dhe TABELA AKTUALE

Edhe në këtë stërvitje djelmoshat dardanë punuan me përkushtim të madh, derisa humori i tyre si zakonisht është në nivel. Gëzon fakti që të gjithë futbollistët janë në gjendje të mirë dhe të gatshëm për duelin me suedezët,

Kosova ka shënuar deri tash vetëm një fitore në Grupin B kualifikues për Botërorin drejt Katarit. Dardanët kanë mposhtur Gjeorgjinë si mysafir në muajin e kaluar.