NË MITROVICË
Trepça dhe Besa ndajnë pikët
18 September, 2016 @16:59
Ndeshja ndërmjet Trepçës dhe Besës ka përfunduar me rezultat të barabartë 1-1.
Skuadra vendase ishte ajo e cila kaloi e para në epërsi, kur në minutën 23’ Hasan Hyseni shënoi për rezultatin 1-0.
Me këtë rezultat përfundoi pjesa e parë, ndërsa në të dytën pejanët arritën të shënojnë me anë të Qemail Elshanit, i cili e shënoi golin e tij të katërt në Superligë.
Kjo është vetëm pika e dytë e Trepçës pas pesë xhirove të para në Superligë, derisa Besa tani ka nëntë pikë dhe mbetet në pjesën e epërme të radhitjes tabelare.
